Skrifstofa sjóðsins er opin
10.02.2021
Vegna tilslakana á sóttvarnaraðgerðum hefur skrifstofa sjóðsins verið opnuð að nýju. Grímuskylda verður í gildi auk þess sem tveggja metra fjarlægðarmörk skulu virt. Fylgst verður náið með þróun mála og mun framhaldið taka mið af aðstæðum hverju sinni.
Eftir sem áður hvetjum við sjóðfélaga sem eiga þess kost að reka erindi í síma eða með tölvupósti.
Rafrænar umsóknir
01.02.2021
Opnað hefur verið fyrir rafrænar umsóknir um lífeyri og sjóðsfélagalán. Geta sjóðfélagar nú sótt um eftirlaun, örorkulífeyri, makalífeyri og sjóðfélagalán með rafrænum hætti á neðangreindum hlekkjum en undirrita þarf umsóknir með rafrænum skilríkjum.
Dómkvaðning matsmanns – þrjár matsbeiðnir
09.11.2020
Þann 30. október var í Héraðsdómi Reykjavíkur dómkvaddur matsmaður til að leggja mat á matsspurningar samkvæmt þremur matsbeiðnum í máli Lífeyrissjóðs bankamanna gegn aðildarfyrirtækjum og íslenska ríkinu. Um er að ræða matsbeiðni með níu spurningum frá Reiknistofu bankanna, sameiginlega matsbeiðni frá íslenska ríkinu og Seðlabankanum með 21 spurningu og matsbeiðni frá lífeyrissjóðnum með þremur spurningum. Í dómkvaðningunni er lagt fyrir matsmann að ljúka matinu eigi síðar en 15. janúar 2021.
Niðurstöður ársfundar 2020
11.06.2020
Ársfundur Lífeyrissjóðs bankamanna var haldinn á Hilton Reykjavík Nordica þann 10. júní slíðastliðinn og hófst hann kl. 17:00.
Frambjóðendur til stjórnar
28.05.2020
Ársfundur Lífeyrissjóðs bankamanna verður haldinn miðvikudaginn 10. júní kl. 17:00 á Hilton Reykjavík Nordica.
Niðurstaða vettvangsathugunar
05.05.2020
Fjármálaeftirlit Seðlabanka Íslands (Fjármálaeftirlitið) framkvæmdi vettvangsathugun hjá Lífeyrissjóði bankamanna í desember 2019 þar sem skoðað var innra eftirlitskerfi og stjórnarhættir sjóðsins.
Ársfundi frestað um óakveðinn tíma
15.04.2020
Ákveðið hefur verið að fresta ársfundi Lífeyrissjóðs bankamanna sem halda átti miðvikudaginn 29. apríl næstkomandi. Þetta er gert í ljósi gildandi samkomubanns stjórnvalda vegna COVID-19. Stjórn sjóðsins mun taka ákvörðun um nýjan fundartíma þegar aðstæður leyfa og verður það auglýst sérstaklega.
Skrifstofa Lífeyrissjóðs bankamanna lokuð fyrir heimsóknum vegna COVID-19
27.03.2020
Vegna útbreiðslu COVID-19 og þeirra aðstæðna sem skapast hafa í samfélaginu vegna hennar hefur verið lokað fyrir heimsóknir á skrifstofu Lífeyrissjóðs bankamanna en starfsfólk sinnir áfram verkefnum sínum og þjónustu við sjóðfélaga. Er þetta gert með velferð sjóðfélaga og starfsfólks að leiðarljósi.