Dómkvaðning matsmanns – þrjár matsbeiðnir
09.11.2020
Þann 30. október var í Héraðsdómi Reykjavíkur dómkvaddur matsmaður til að leggja mat á matsspurningar samkvæmt þremur matsbeiðnum í máli Lífeyrissjóðs bankamanna gegn aðildarfyrirtækjum og íslenska ríkinu. Um er að ræða matsbeiðni með níu spurningum frá Reiknistofu bankanna, sameiginlega matsbeiðni frá íslenska ríkinu og Seðlabankanum með 21 spurningu og matsbeiðni frá lífeyrissjóðnum með þremur spurningum. Í dómkvaðningunni er lagt fyrir matsmann að ljúka matinu eigi síðar en 15. janúar 2021.
Niðurstöður ársfundar 2020
11.06.2020
Ársfundur Lífeyrissjóðs bankamanna var haldinn á Hilton Reykjavík Nordica þann 10. júní slíðastliðinn og hófst hann kl. 17:00.
Frambjóðendur til stjórnar
28.05.2020
Ársfundur Lífeyrissjóðs bankamanna verður haldinn miðvikudaginn 10. júní kl. 17:00 á Hilton Reykjavík Nordica.
Niðurstaða vettvangsathugunar
05.05.2020
Fjármálaeftirlit Seðlabanka Íslands (Fjármálaeftirlitið) framkvæmdi vettvangsathugun hjá Lífeyrissjóði bankamanna í desember 2019 þar sem skoðað var innra eftirlitskerfi og stjórnarhættir sjóðsins.
Ársfundi frestað um óakveðinn tíma
15.04.2020
Ákveðið hefur verið að fresta ársfundi Lífeyrissjóðs bankamanna sem halda átti miðvikudaginn 29. apríl næstkomandi. Þetta er gert í ljósi gildandi samkomubanns stjórnvalda vegna COVID-19. Stjórn sjóðsins mun taka ákvörðun um nýjan fundartíma þegar aðstæður leyfa og verður það auglýst sérstaklega.
Skrifstofa Lífeyrissjóðs bankamanna lokuð fyrir heimsóknum vegna COVID-19
27.03.2020
Vegna útbreiðslu COVID-19 og þeirra aðstæðna sem skapast hafa í samfélaginu vegna hennar hefur verið lokað fyrir heimsóknir á skrifstofu Lífeyrissjóðs bankamanna en starfsfólk sinnir áfram verkefnum sínum og þjónustu við sjóðfélaga. Er þetta gert með velferð sjóðfélaga og starfsfólks að leiðarljósi.
Réttindabreyting í Hlutfallsdeild frá 1. desember 2019
19.11.2019
Fjármála- og efnahagsráðuneytið hefur með bréfi dags. 24. október staðfest þær samþykktarbreytingar sem samþykktar voru á ársfundi Lífeyrissjóðs bankamanna 30. apríl 2019. Breytingarnar fela í sér lækkun á árlegum réttindastuðli Hlutfallsdeildar úr 1,92% í 1,82% sem samsvarar um 5,2% lækkun á lífeyri. Jafnframt var samþykkt að fella út ákvæði um dánarbætur í báðum deildum. Kemur réttindabreytingin nú til framkvæmda og hefur áhrif á lífeyrisgreiðslur frá og með 1. desember 2019.
Landsréttur fellir úr gildi úrskurð um frávísun
06.06.2019
Landsréttur hefur fellt úr gildi úrskurð héraðsdóms frá 24. apríl 2019 er varðar frávísun þriggja af fjórum kröfuliðum í máli Hlutfallsdeildar Lífeyrissjóðs bankamanna gegn aðildarfyrirtækjum og íslenska ríkinu en stjórn lífeyrissjóðsins kærði þann úrskurð til Landsréttar þann 7. maí s.l.
Úrskurður Héraðsdóms kærður til Landsréttar
21.05.2019
Stjórn Lífeyrissjóðs bankamanna hefur ákveðið að kæra til Landsréttar úrskurð Héraðsdóms Reykjavíkur frá 24. apríl um frávísun (hlekkur á fyrri frétt) á 3 af 4 kröfuliðum í máli Lífeyrissjóðs bankamanna gegn aðildarfyrirtækjum og íslenska ríkinu vegna Hlutfallsdeildar. Vænta má niðurstöðu í kærumálinu fyrri hluta júní mánaðar.