Tryggingafræðileg athugun

Tryggingafræðileg athugun á stöðu Lífeyrissjóðs bankamanna er árlega unnin að beiðni stjórnar sjóðsins í samræmi við ákvæði 5. geinar samþykkta sjóðsins. Athugunin er unnin af Bjarna Guðmundssyni tryggingastærðfræðingi og skiptist hún í tvo hluta, annars vegar er athugun Hlutfallsdeildar og hins vegar athugun Aldursdeildar.

Hlutverk sjóðsins.

Lífeyrissjóður bankamanna hefur það hlutverk að sjá sjóðfélögum, eftirlifandi mökum þeirra og börnum fyrir lífeyri samkvæmt ákvæðum samþykkta sjóðsins. Lífeyrissjóðurinn er sjálfstæð stofnun með eigin stjórn og undir opinberu eftirliti, eins og aðrir lífeyrissjóðir landsins. Deildir sjóðsins eru tvær, Hlutfallsdeild og Aldursdeild. Allir starfsmenn aðildarfyrirtækja sjóðsins, sem náð hafa 16 ára aldri, skulu vera sjóðfélagar og greiða iðgjöld til sjóðsins meðan þeir starfa hjá viðkomandi fyrirtæki.