Beint á leiđarkerfi vefsins

Fréttir

27. mars 2018

Ársuppgjör 2017 - góđ markađsávöxtun

Ársuppgjör Lífeyrissjóðs bankamanna fyrir árið 2017 liggur nú fyrir og gekk rekstur sjóðsins vel á árinu. Hrein nafnávöxtun Hlutfallsdeildar nam 6,40% á árinu 2017 sem samsvarar 4,6% hreinni raunávöxtun samanborið við 3,3% á árinu 2016. Í Aldursdeild nam hrein nafnávöxtun 5,1% sem samsvarar 3,3% hreinni raunávöxtun samanborið við -0,12% á árinu 2016.

Ţegar birt ávöxtun lífeyrissjóða er borin saman er mikilvægt að hafa í huga áhrif mismunandi aðferða sem beitt er við mat á skuldabréfum. Lífeyrissjóður bankamanna metur meirihluta skuldabréfa beggja deilda á afskrifuðu kostnaðarverði þar sem tekin tekin hefur verið ákvörðun um að halda bréfunum til gjalddaga. Væru þessi skuldabréf færð til eignar á markaðsverði væri bókfært verð þeirra 4.654 milljónum króna hærra í Hlutfallsdeild og 2.449,2 milljónum króna hærra í Aldursdeild og hrein eign til greiðslu lífeyris hærri sem því nemur. Að sama skapi væri reiknuð raunávöxtun umtalsvert hærri ef skuldabréf væru metin á markaðsverði, eða 8,2% í stað 4,58% í Hlutfallsdeild og 6,2% í stað 3,31% í Aldursdeild. Meðaltal hreinnar raunávöxtunar síðustu 5 ára er 4,3% hjá Hlutfallsdeild en 4,2% í Aldursdeild.

Rekstrarkostnaður sjóðsins, þ.e. skrifstofu- og stjórnunarkostnaður, að teknu tilliti til kostnaðarþátttöku aðildarfélaga Hlutfallsdeildar, nam 111 milljónum króna samanborið við 97 milljónir árið áður. Rekstrarkostnaður sem hlutfall af meðalstöðu eigna var 0,15%.

Í árslok greiddu 1.956 sjóðfélagar iðgjöld til sjóðsins, þar af 155 í Hlutfallsdeild og 1.801 í Aldursdeild. Í árslok 2017 greiddu 164 sjóðfélagar iðgjöld í Hlutfallsdeild og 1.861 í Aldursdeild eða alls 2.025. Heildariðgjöld til Hlutfallsdeildar námu 195 milljónum á árinu 2017 samanborið við 201 milljón árið áður. Í Aldursdeild námu heildariðgjöld 1.919 milljónum samanborið við 1.862 milljónir árið áður.

Heildareignir Lífeyrissjóðs bankamanna námu kr. 74.427 milljónum í lok árs 2017 og hækkuðu um 3.408 milljónir á árinu. Í Hlutfallsdeild voru eignir alls kr. 38.608 milljónir eða 52% og í Aldursdeild kr. 35.819 milljónir eða 48%.

Fyrir liggur tryggingafræðileg úttekt miðað við 31. desember 2017 sem sýnir að heildarskuldbindingar Hlutfallsdeildar námu 5,29% umfram heildareignir samanborið við 4,02% árið áður. Hjá Aldursdeild námu heildarskuldbindingar 4,00% umfram heildareignir samanborið við 3,62% árið áður.

Samandregnar upplýsingar um starfsemi sjóðsins má sjá hér.
Ársreikning sjóðsins í heild má sé hér.


Lífeyrismál
Lánareiknivél
Launagreiđendavefur
Sjóđsfélagavefur
Gott ađ vita

Hlutverk sjóðsins.

Lífeyrissjóður bankamanna hefur það hlutverk að sjá sjóðfélögum, eftirlifandi mökum þeirra og börnum fyrir lífeyri samkvæmt ákvæðum samþykkta sjóðsins. Lífeyrissjóðurinn er sjálfstæð  stofnun með eigin stjórn og undir opinberu eftirliti, eins og aðrir lífeyrissjóðir landsins. Deildir sjóðsins eru tvær, Hlutfallsdeild og Aldursdeild. Allir starfsmenn aðildarfyrirtækja sjóðsins, sem náð hafa 16 ára aldri, skulu vera sjóðfélagar og greiða iðgjöld til sjóðsins meðan þeir starfa hjá viðkomandi fyrirtæki.


Opnunartími

Opnunartími 9:15 - 16
Lífeyrissjóður bankamanna
Skipholti 50b
105 Reykjavík
Skoða á korti >>

Toppmynd


Stjórnborđ

Texti í sjálfgefinni stćrđ Texti í miđlungs stćrđ Texti í stórri stćrđ Hamur fyrir sjónskerta