Beint á leiðarkerfi vefsins

Fréttir

28. apríl 2017

Niðurstöður ársfundar 2017

Ársfundur Lífeyrissjóðs bankamanna var haldinn á Icelandair Hotel Reykjavik Natura þann 26. apríl síðastliðinn og hófst kl. 17. Fundarstjóri var kjörin Hinrik Greipsson og ritari fundarins var Pálmi Rögnvaldsson. Fundargerð ársfundar verður aðgengileg hér innan skamms.

Í forföllum stjórnarformanns Friðberts Traustasonar flutti Tryggvi Tryggvason framkvæmdastjóri skýrslu stjórnar og fór yfir helstu þætti í starfsemi sjóðsins á síðasta ári. Í framhaldinu kynnti Tryggvi ársreikning 2016 og fjárfestingarstefnur beggja deilda og má sjá þær glærur hér.

Tryggingafræðingur sjóðsins, Bjarni Guðmundsson, fór því næst yfir tryggingafræðilega stöðu beggja deilda og verður kynning Bjarna aðgengileg hér innan skamms.

Skoðunarmenn sjóðsins voru endurkjörin þau Guðrún Antonsdóttir og Jón Ívarsson.

Þá var samþykkt tillaga að breytingu á 2. gr. samþykkta sjóðsins sem verður í framhaldinu send aðildarfyrirtækjum til meðferðar í samræmi við 7. gr. samþykkta.

Undir liðnum önnur mál fór Tryggvi stuttlega yfir framvindu mála hjá Hlutfallsdeild.


Lífeyrismál
Lánareiknivél
Launagreiðendavefur
Sjóðsfélagavefur
Gott að vita

Hlutverk sjóðsins.

Lífeyrissjóður bankamanna hefur það hlutverk að sjá sjóðfélögum, eftirlifandi mökum þeirra og börnum fyrir lífeyri samkvæmt ákvæðum samþykkta sjóðsins. Lífeyrissjóðurinn er sjálfstæð  stofnun með eigin stjórn og undir opinberu eftirliti, eins og aðrir lífeyrissjóðir landsins. Deildir sjóðsins eru tvær, Hlutfallsdeild og Aldursdeild. Allir starfsmenn aðildarfyrirtækja sjóðsins, sem náð hafa 16 ára aldri, skulu vera sjóðfélagar og greiða iðgjöld til sjóðsins meðan þeir starfa hjá viðkomandi fyrirtæki.


Opnunartími

Opnunartími 9:15 - 16
Lífeyrissjóður bankamanna
Skipholti 50b
105 Reykjavík
Skoða á korti >>

Toppmynd


Stjórnborð

Texti í sjálfgefinni stærð Texti í miðlungs stærð Texti í stórri stærð Hamur fyrir sjónskerta