Beint á leiðarkerfi vefsins

Fréttir

6. apríl 2016

Niðurstöður ársfundar 2016

Ársfundur Lífeyrissjóðs bankamanna var haldinn á Icelandair Hotel Reykjavík Natura þann 6. apríl slíðastliðinn  og hófst hann kl. 17. Fundarstjóri var kjörinn Hinrik Greipsson og ritari fundarins var Pálmi Rögnvaldsson. Fundargerð ársfundarins má sjá hér.

Friðbert Traustason, formaður stjórnar, flutti skýrslu stjórnar og fór yfir helstu þætti í starfsemi sjóðsins á síðasta ári.  Þá kynnti Tryggvi Tryggvason, framkvæmdastjóri sjóðsins, ársreikning 2015 og fjárfestingarstefnur beggja deilda. Kynningar Friðberts og Tryggva má sjá hér.

Tryggingafræðingur sjóðsins, Bjarni Guðmundsson, fór því næst yfir tryggingafræðilega stöðu beggja deilda lífeyrissjóðsins og má sjá kynningu Bjarna  hér.

Skoðunarmenn sjóðsins voru kjörin þau Guðrún Antonsdóttir og Jón Ívarsson.

Sjálfkjörið var í þau þrjú stjórnarsæti sem kosið var til á fundinum og hlutu eftirtaldir einstaklingar kosningu: Friðbert Traustason, Sigurjón Gunnarsson og Ingólfur Guðmundsson. Varamenn voru kjörnar Helga Jónsdóttir, Hildur Friðleifsdóttir og Anna Kjartansdóttir. Í framhaldinu munu aðildarfyrirtæki lífeyrissjóðsins tilnefna þrjá einstaklinga til stjórnarsetu skv. 2. gr. samþykkta sjóðsins.

Undir liðnum "Málefni Hlutfallsdeildar" kynnti Tryggvi Tryggvason framkvæmdastjóri stöðu mála og þá framvindu sem verið hefur frá aukafundi sjóðfélaga Hlutfallsdeildar 7. október sl. Kynningu Tryggva má sjá hér. Í framhaldinu var samþykkt ályktun sem fól "stjórn lífeyrissjóðsins, með aðstoð Jónasar Fr. Jónssonar hdl., að leita nauðsynlegra lagalegra úrræða til að hnekkja ósanngjörnu uppgjöri ábyrgðar aðildarfyrirtækja frá 1997."


Lífeyrismál
Lánareiknivél
Launagreiðendavefur
Sjóðsfélagavefur
Gott að vita

Hlutverk sjóðsins.

Lífeyrissjóður bankamanna hefur það hlutverk að sjá sjóðfélögum, eftirlifandi mökum þeirra og börnum fyrir lífeyri samkvæmt ákvæðum samþykkta sjóðsins. Lífeyrissjóðurinn er sjálfstæð  stofnun með eigin stjórn og undir opinberu eftirliti, eins og aðrir lífeyrissjóðir landsins. Deildir sjóðsins eru tvær, Hlutfallsdeild og Aldursdeild. Allir starfsmenn aðildarfyrirtækja sjóðsins, sem náð hafa 16 ára aldri, skulu vera sjóðfélagar og greiða iðgjöld til sjóðsins meðan þeir starfa hjá viðkomandi fyrirtæki.


Opnunartími

Opnunartími 9:15 - 16
Lífeyrissjóður bankamanna
Skipholti 50b
105 Reykjavík
Skoða á korti >>

Toppmynd


Stjórnborð

Texti í sjálfgefinni stærð Texti í miðlungs stærð Texti í stórri stærð Hamur fyrir sjónskerta