Fréttir
24. febrúar 2014
Tillögur til breytinga á samþykktum 2014
Fyrirliggjandi eru tillögur stjórnar Lífeyrissjóðs bankamanna til breytinga á samþykktum sjóðsins, sem lagðar verða fram á ársfundi sjóðsins þann 26. mars 2014.
Tillögunum er ætlað að leiðrétta tryggingafræðilega stöðu Hlutfallsdeildar, en mismunur eigna og skuldbindinga deildarinnar var -7,9% miðað við árslok 2012. Nú er unnið að tryggingafræðilegri úttekt miðað við árslok 2013 og mun hún liggja fyrir á ársfundi eða fyrr.
Einnig er lögð fram tillaga hjá bæði Hlutfallsdeild og Aldursdeild um að heimilt verði, að undangengnu áliti trúnaðarlæknis lífeyrissjóðs, að setja það skilyrði fyrir greiðslu örorkulífeyris að sjóðfélagi fari í endurhæfingu sem bætt geti heilsufar hans.
Hlutverk sjóðsins.
Lífeyrissjóður bankamanna hefur það hlutverk að sjá sjóðfélögum, eftirlifandi mökum þeirra og börnum fyrir lífeyri samkvæmt ákvæðum samþykkta sjóðsins. Lífeyrissjóðurinn er sjálfstæð stofnun með eigin stjórn og undir opinberu eftirliti, eins og aðrir lífeyrissjóðir landsins. Deildir sjóðsins eru tvær, Hlutfallsdeild og Aldursdeild. Allir starfsmenn aðildarfyrirtækja sjóðsins, sem náð hafa 16 ára aldri, skulu vera sjóðfélagar og greiða iðgjöld til sjóðsins meðan þeir starfa hjá viðkomandi fyrirtæki.
Samskipti
Lífeyrissjóður bankamanna / Skipholti 50 b / 105 Reykjavík / Opnunartími 9:15 - 16 / Sími: 56-90-900 / Tölvupóstur: lifbank@lifbank.is
Opnunartími
Opnunartími 9:15 - 16
Lífeyrissjóður bankamanna
Skipholti 50b
105 Reykjavík
Skoða á korti >>
